តើអ្នកគួរទទួលប្រូតេអ៊ីន ក្នុងកម្រិតប៉ុណ្ណាទើបគ្រប់គ្រាន់?
25-January-2016 | ដោយ មួយឡា
មនុស្សពេញវ័យ នៅក្នុងប្រទេសអាមេរិក ត្រូវបានគេលើកទឹកចិត្ត អោយទទួលយក ជាតិប្រូតេអ៊ីន ពីអាហារប្រចាំថ្ងៃ របស់ពួកគេ អោយបានពី ១០ ទៅ ៣៥ភាគរយ។ វាប្រមាណជា ៤៦ក្រាម នៃប្រូតេអ៊ីន ចំពោះស្ត្រី និង ៥៦ក្រាម នៃប្រូតេអ៊ីនចំពោះបុរស។
វាមិនពិបាកនោះទេ ក្នុងការទទួលយកនូវ បរិមាណនេះ ប្រសិនបើអ្នក បរិភោគនូវអាហារ ដែលសម្បូរ សារជាតិប្រូតេអ៊ីន ពី ពីរ ទៅ បីដង ក្នុងមួយថ្ងៃ។
- សាច់សត្វ១ដុំ ដែលមានទម្ងន់ ៨៥ក្រាម គឺមាន ប្រូតេអ៊ីនប្រហែលជា ២១ក្រាម។ ហើយសាច់ ១ដុំ ដែលមានទម្ងន់ ២២៦ក្រាម គឺអាចមានប្រូតេអ៊ីន លើសពី ៥០ក្រាម។
- ទឹកដោះគោ ១កែវ មានប្រូតេអ៊ីន ៨ក្រាម។
- សណ្តែកខៀវ ១ពែង មានប្រូតេអ៊ីន ប្រមាណជា ១៦ក្រាម។
ក្រុមមនុស្សដែលត្រូវការ ប្រូតេអ៊ីនជាពិសេស
មនុស្សរាល់គ្នា មិនសទ្ធតែត្រូវការបរិមាណនៃ ជាតិប្រូតេអ៊ីន ដូចគ្នានោះទេ។ ខាងក្រោមនេះ គឺជា ក្រុមមនុស្ស ដែលត្រូវយកចិត្តទុកដាក់ ជាពិសេស ចំពោះតម្រូវការនៃសារជាតិប្រូតេអ៊ីន របស់ពួកគេ ៖
ស្ត្រីដែលមានផ្ទៃពោះ និង ស្ត្រីដែលកំពុងបំបៅដោះកូន
លោកស្រី Lauren Antonucci ដែលជានាយក ផ្នែកអាហារបំប៉នថាមពល នៅក្នុងទីក្រុងញ៉ួវយ៉ក បាននិយាយថា ស្ត្រីមានផ្ទៃពោះ ត្រូវការប្រូតេអ៊ីន ប្រមាណជា ១០ក្រាមក្នុងមួយថ្ងៃ គឺច្រើនជាង ចំនួន ដែលពួកគេ ធ្លាប់បានទទួលពីពេលមុនមក។ ហើយសម្រាប់ស្ត្រី ដែលកំពុងបំបៅកូន ដោយទឹកដោះ ត្រូវការ ប្រូតេអ៊ីនបន្ថែមច្រើនជាងមុន ២០ក្រាម ក្នុងមួយថ្ងៃ ជាងពេល ដែលពួកគេមានផ្ទៃពោះ ដើម្បី ទ្រទ្រង់ដល់ ការផលិតទឹកដោះរបស់ពួកនាង។ លោកស្រី បានជម្រុញអោយស្ត្រីមានផ្ទៃពោះ ធ្វើការ ទទួលយកជាតិប្រូតេអ៊ីន បន្ថែម ពី ២០ ទៅ ៣០ក្រាម ពីប្រភេទផលិតផល ដែលធ្វើពីទឹកដោះគោ ដែលមាន ជាតិខ្លាញ់ទាប ដោយសារតែ ជាតិកាល់ស្យូម និង វីតាមីន D គឺផ្តល់អត្ថប្រយោជន៍ជាខ្លាំង ចំពោះ សុខភាពឆ្អឹង ទាំងរបស់ម្តាយ និង ទារក។
អត្តពលករ
ប្រភេទកីឡាភាគច្រើន ដែលរួមមាននូវ ការធ្វើសាច់ដុំផ្នែករាងកាយ ក្នុងអំឡុងពេលនៃការធ្វើ សកម្មភាព និង ជួសជុលវា ក្រោយមកទៀត។ ដូច្នេះ តម្រូវការ សម្រាប់មនុស្សដែលសកម្ម គឺជះឥទ្ធិពល ដោយសារ រយៈពេល, ភាពញឹកញយ និង សម្តត្ថភាពនៃការធ្វើសកម្មភាពរបស់ពួកគេ។ អត្តពលករ ដែលមានភាពអត់ធន់ខ្លាំង ដូចជា កីឡាកររត់ម៉ារ៉ាតុន ត្រូវការ កាឡូរី បន្ថែម ប្រមាណជា ៥០ភាគរយ ជាង មនុស្សធម្មតា។
អ្នកតមអាហារ
នៅពេលដែលអ្នកព្យាយាមសម្រកទម្ងន់ ប៉ុន្មានគីឡូក្រាម អោយសមហេតុផលនោះ គឺគោលដៅជា ចំបង ត្រូវធ្វើការសម្រកនូវខ្លាញ់ចេញពីរាងកាយ ប៉ុន្តែត្រូវរក្សាទម្ងន់នូវសាច់ដុំដែលគ្មានខ្លាញ់ អោយមាន ភាពរឹងមាំ ។ ប្រូតេអ៊ីន គឺអាចជួយអ្នកបាន ចំពោះកត្តាមួយនេះ ។ អាហារដែលមានជាតិប្រូតេអ៊ីន ហាក់នឹង អាចបំពេញបានច្រើនជាង ដូច្នេះ វានឹង អាចជួយពន្យាពេលនៃភាពស្រេកឃ្លាន និង ធ្វើអោយ អ្នកមានភាពងាយស្រួល ក្នុងការបន្តអនុវត្តតាម គ្រោងការ នៃការសម្រកទម្ងន់របស់អ្នក។ គឺថា អ្នកគ្រាន់ តែយកចិត្តទុកដាក់ ចំពោះ កាឡូរី និង ទំហំបរិមាណនៃប្រូតេអ៊ីន របស់អាហារ នៅពេលដែលអ្នកចង់ បន្ថែមវា ទៅក្នុងអាហារជាប្រចាំ និង អាហារសម្រន់ ។
អ្នកបរិភោគបន្លែ
នៅពេលដែលធ្វើការប្រឹក្សាជាមួយនឹង អ្នកបរិភោគបន្លែ លោកស្រី Antonucci បានរកឃើញនូវ ប្រភេទអាហារប្រូតេអ៊ីន មានដូចជា សាច់,ត្រី, ស៊ុត ឬ ផលិតផលដែលធ្វើពីជាតិទឹកដោះគោ ដែលត្រូវបាន ដកចេញ ឬ ដាក់បញ្ចូលទៅក្នុងរបបអាហារជាប្រចាំថ្ងៃរបស់ពួកគេ ។ ដរាបណា អ្នកបរិភោគតែបន្លែ កំពុងតែទទួលទាននូវ អាហារដែលផ្តល់ផលល្អ ចំពោះសុខភាពផ្សេងៗគ្នាជាច្រើន នោះពួកគេ គួរតែអាចទទួលបាននូវ ជាតិប្រូតេអ៊ីន បានដូចទៅនឹងកម្រិតដែលគេបានណែនាំ ពី ប្រភព អាហារផ្សេងទៀត ក្រៅពីពពួកសាច់សត្វ។
អ្នកតមសាច់
សម្រាប់មនុស្សដែល មិនបានបរិភោគ នូវផលិតផល អាហារដែលបានមកពី សត្វពាហនៈ គឺអាច អាស្រ័យបានទៅលើ សណ្តែក និង គ្រាប់ធញ្ញជាតិផ្សេងៗទៀត ដែលវាអាចជាប្រភពដ៏សំខាន់ នៃប្រូតេអ៊ីន ដែលពួកគេអាចទទួលបាន។ បន្លែ, សណ្តែកដី និង គ្រាប់រុក្ខជាតិមួយចំនួន គឺមានផ្ទុក នូវ បរិមាណ ប្រូតេអ៊ីន បានក្នុងកម្រិតតិចតួច។ អ្នកតមសាច់ អាចនឹងទទួលបាននូវ តម្រូវការជាតិប្រូតេអ៊ីន បាន ប៉ុន្តែវាគួរតែ ត្រូវបានធ្វើឡើងដោយប្រុងប្រយ័ត្ន និង អាចទាមទារនូវ ប្រភេទអាហារបន្ថែមផ្សេងទៀត ផងដែរ ៕
ប្រភព៖ health
ចំនួនអ្នកទស្សនា
- ថ្ងៃនេះ7631
- ម្សិលមិញ4461
- សប្តាហ៍នេះ12101
- ខែនេះ33981
- ឆ្នាំនេះ33981
- សរុប20476437